Slik tek me vare på opplysningane dykkar.

Profilera AS, Ringvegen 32, 5412 Stord. Kontakt: post@profilera.no, telefon 922 17 690.

Når de sender ein førespurnad eller ber om tilbod, registrerer me det de sjølve oppgjev:

• Namn på verksemd og kontaktperson, rolle, e-post og telefon
• Skildring av oppdraget, ønskt dato, avdeling og adresse for levering eller montering
• Filer de lastar opp, som logo, bilete og teikningar

På kundesida vert i tillegg tilbod, korrekturar, godkjenningar og meldingar knytte til verksemda dykkar lagra.

Opplysningane vert brukte til å svare på førespurnader, utarbeide tilbod og korrektur, planleggje produksjon og montering, og følgje opp leveransen. Grunnlaget er avtalen med dykk, eller den rettkomne interessa vår i å svare på ein konkret førespurnad.

Me brukar ikkje opplysningane til marknadsføring utan at de har samtykt til det, og me sel dei aldri vidare.

Opplysningane vert delte med leverandørar me nyttar til drift av nettsida og kundesida, og med samarbeidspartnarar berre når det trengst for å gjennomføre oppdraget. Me lagrar opplysningane så lenge saka er aktiv og så lenge bokførings- og garantiplikter krev det.

Sender du ein open søknad via «Jobb i Profilera», lagrar me namnet ditt, kontaktinformasjonen, teksten du skriv og eventuelle vedlegg (CV og bilete) for å vurdere søknaden. Grunnlaget er samtykket du gjev når du sender søknaden.

• Berre tilsette med tilgang til driftsportalen kan lese søknaden og opne vedlegga
• Søknaden og vedlegga vert sletta når søknaden ikkje lenger er aktuell for vurdering
• Du kan når som helst trekkje søknaden eller be om sletting ved å sende ein e-post til post@profilera.no med referansenummeret

Melder du deg på nyheitsbrevet, lagrar me e-postadressa di saman med tidspunktet for påmeldinga, IP-adressa og teksten du samtykte til. Grunnlaget er samtykket ditt (personvernforordninga art. 6 nr. 1 a).

• Påmeldinga gjeld først når du har trykt på stadfestingslenkja me sender deg (dobbel påmelding). Adresser som ikkje vert stadfesta, vert sletta automatisk etter ei veke
• Adressa vert berre brukt til å sende nyheitsbrev frå Profilera – nokre få gonger i året – og vert ikkje delt med andre enn leverandøren som sender e-posten for oss
• Du kan trekkje samtykket når som helst via avmeldingslenkja nedst i kvart nyheitsbrev, eller ved å skrive til post@profilera.no. Då vert adressa sletta frå lista

De kan be om innsyn i, retting av eller sletting av opplysningane dykkar, og de kan protestere mot handsaminga eller be om å få dei utleverte. Ta kontakt på e-post, så svarar me innan 30 dagar. De kan òg klage til Datatilsynet.

Me oppdaterer denne teksten når rutinane våre vert endra. Datoen øvst viser når sida sist vart oppdatert.